Շաբաթ, 20 Դեկտեմբեր 2014

ԱՐԽԱՆԳԵԼՈ

ԽԱՌԸ ՄՏՔԵՐ

Իմ մանկական չիրականացած երազանքները

Լավագույն նյութերը Facebook-ում ստանալու համար սեղմիր Like


Հիշում եմ, երբ մանուկ էի և երբ բոլոր երեխաները երազում էին տարբեր տեսակի խաղալիքների մասին՝ ես երազում էի լրիվ ուրիշ բաներից: Չեմ հերքում, խաղալիքների մասին նույնպես երազում էի, բայց դա իմ համար ժամանակավոր փոքրիկ երազներ էին: Իսկ այդ ուրիշ երազները ինձ համար շատ կարևոր էին, նրանք իմ կյանքի նպատակն էին: Եվ չի կարելի ասել, որ այդ իմ մանկական երազանքները իրականությունից կտրված կամ հեքիաթային էին:

Հիշում եմ, որ մանուկ ժամանակ չգիտեմ թե ինչու իմ մոտ մի այնպիսի համոզմունք կար, որ ես այս աշխարհ եմ եկել որոշակի առաքելությամբ՝ միսիայով, որ իբր եկել եմ այս աշխարհ որևէ նշանակալից գործի համար, որևէ բան փոխելու, կամ ավելացնելու համար: Երազում էի ու պատկերացնում թե դա ի՞նչ կարող է լինել: Ու այդ համոզմունքը, այդ երազը այնքան հստակ էր ինձ մոտ, որ կասկած չունեի անգամ նրանց իրականանալի լինելու մեջ: Սակայն անցան տարիներ և ես այժմ հասուն մարդ եմ և վաղուց արդեն հասկացել եմ, որ դա ցավոք ընդամենը միամիտ մանկական երազներ էին: Հասկացել եմ, որ ես ոչ մի արտասավոր մարդ էլ չեմ և իմ համար ոչ մի որոշակի առաքելություն պատրաստված չէ այս կյանքում:

Հիշում եմ նաև որ այն տարիներին՝ իսկ դա խորհրդային տարիներն էին, երբ գնում էի տատիկիս տուն, սիրում էի ժամերով թերթել ամսագրերը: Դրանք այն ժամանակ սովորական ամսագրեր չէին և կրպակներում այդպիսի ամսագրեր չէիր գտնի: Դրանք մեր ֆրանսիահայ բարեկամներն էին ուղարկում ֆրանսիայից: Ֆրանսիական գունազարդ, օծանելիքներով և գեղեցիկ կանանցով լի ամսագրեր: Եվ այդ ամսագրերում ես ըստ իմ մանկական պատկերացումների գտել էի իմ իդեալական կնոջ կերպարը: Եվ հենց նրա համար էի անընդհատ թերթում այդ ամսագրերը: Զմայլվում էի նրանով ու երազում, որ տարիներ անց՝ երբ մեծանամ իմ կինն էլ այսպիսի գեղեցկուհի է լինելու, հետո թերթում էի հաջորդ էջը՝ այնտեղ գեղեցիկ սպիտակամաշկ, կապուտաչյա երեխաների նկարներ էին ու ես երազում էի որ ես և իմ գեղեցկուհի կինը այսպիսի երեխաներ ենք ունենալու: Հետո մյուս թերթում գտնում էի գեղեցիկ կահավորված և գեղեցիկ վերանորոգված բնակարանի, կամ տան նկար և երազում, որ ես և իմ կինը մեր երեխաների հետ բնակվելու ենք այսպիսի տանը: Հետո հերթը հասնում էր ավտոմեքենային և այդպես շարունակ: Իսկ հիշեցնեմ, որ այդ ժամանակ ես ընդամենը 4-5 տարեկան երեխա էի:

Բայց անցան տարիներ և ես հասուն մարդ եմ և մինչ այժմ այդպես էլ չի իրականացել նաև այս մի մանկական երազանքս: Ես չամուսնացա ու երեխաներ էլ չունեմ:

Ուզում եմ նորից ետ դառնալ մանկություն և նորից իմ միամիտ և անմեղ մանկական համոզմունքով վստահ լինել, որ ամեն ինչ լավ է լինելու և ամեն ինչ դեռ առջևում է…

Մանկուց մինչ հիմա երազներով եմ ապրում…


Լավագույն նյութերը Facebook-ում ստանալու համար սեղմիր Like


Ձեզ կհետաքրքրի նաև՝

Որքանո՞վ եք ճանաչում հակառակ սեռին - հոգեբանական թեսթ
Տղամարդիկ զգուշացեք սուրճից
Սիրելի Կանայք և Աղջիներ. Շնոհավո՛ր Ձեր Տոնը՝ Մարտի 8-ը
Իդեալական կնոջ 7 գաղտնիք
«Տուն» (HOME) - վավերագրական ֆիլմ
Ինչպես արագ և անվճար հեռացնել տան տհաճ հոտը
29 մեկնաբանություն “Իմ մանկական չիրականացած երազանքները”-ում
  1. Բարև ձեզ, ես wordpress.org-ից մի թեմա եմ քաշել, անունը Graphene ու տեսա որ ձեր բլոգի թեմայից է, բայց իմ մոտ սլայդերը չի աշխատում, կասեք ինչպես ուղղեմ: Նախապես շնորհակալություն

        • իմ թեմայի լեզվային ֆայլում ընդամենը 1-2 բառա թարգմանված, այնպես որ չեմ կարծում որ այն քեզ օգուտ կտա Արամ ջան, բայց եթե ուզում ես կարող եմ ուղարկել:

          • իսկ եթե որդպրեսի հայերեն ֆայլերնա պետք, մտի Արթուրի բլոգ e-armenians.com Արթուրը թարգմանելա որդպրես ընդեղից քաշի

      • …30-ն անց մարդկանց տարիք չեն վաճառում, խստիվ արգելվում է ;-) :-))
        (… տղամարդ, ով ամուսնացավ, երբ 44 տարեկան էր և հիմա 2 աղջիկ ունի,… կին, ով 2 տղա ունի, բայց աղջիկ ունենալու ցանկությունը այնքան մեծ էր, որ 36 տարեկան հասակում ցանկությունը իրականացրեց (ուղղակի փաստեր :-) )էնպես որ ամեն ինչ դեռ առջևում է :-) )

  2. Summer_Rain on said:

    Arxangelo ջան այն երազնքները,որոնք նպատակ են,միշտ էլ իրականանում են,երբեմն դժվարությամբ,բայց իրականանում են, կարևորը թևաթափ չլինելն է :-)
    Համ էլ ժողովրդական լավ խոսք կա ”Ուշ լինի,բայց նուշ լինի…” ;-)
    .Ճիշտ է կրկնվել չեմ սիրում,բայց այս անգամ բացառություն կանեմ և կկրկնեմ նախորդ մեկնաբանությունը…ԱՄԵՆ ԻՆՉ ԴԵՌ ԱՌՋԵՎՈՒՄ Է :-)
    Ի դեպ շատ հետաքրքիր երազանքներ ես ունեցել` նշված տարիքին ոչ այնքան հատուկ :-)

    • հա Summer_Rain ջան, հիմա, որ հետադարձ հայացք եմ նետում մանկությանս, հասկանում եմ, որ հետաքրքիր երեխա եմ եղել :-))

  3. Ձեր ամեն մի գրացի մեջ միշտ մի հարազատ բան գտնում եմ ինձ համար. Ես մինչև հիմա էլ կարծում եմ, որ ես հասարակ կյանք ունենալու համար չեմ ստեղծված. Ամեն առավոտ սպասում եմ , որ մի արտառոց բան պիտի լինի ինձ հետ ու ես վերջապես կհայտնաբերեմ իմ մեջ թաքնված տաղանդը :-)

  4. Արամ ջան,մեզնից յուրաքանչյուրը աշխարհա գալիս որոշակի առաքելությամբ,ու հավատա էդ մանկական երազանք կամ խաբկանք չի,հենց էդպեսա,որ կա,մեզ մնումա հավատալ դրա գոյությանը ու մեր գոյությամբ իսկ ակամայից կիրականացնենք այն :-)
    ինչ վերաբերվումա տարիքիդ,հեչ էլ մեծ չես :-D բա հո մեր նման քյոռփա չէիր լինելու

  5. “Ես չամուսնացա ու երեխաներ էլ չունեմ:” Իսկ ինչու այսքան հուսալքված???? Չէ որ ամեն ինչ դեռ վերջացած չէ??? ԵՎ հետո, ինձ թվում է,երբ տղաներն ավելի ուշ են կազմում ընատանիք,նրանք, այն ունենալով, ավելի են արժևորում և գնահատում,ինչը չի կարելի ասել ավելի վաղ ընտանիք կազմողների հարցում (հիմնականում):Այնպես որ,դուք կունենաք ավելի կայուն և առողջ(բոլոր առումներով) ընտանիք : :yes:

  6. Պետք է չմոռանալ մանկության երազանքները ու քայլել նրանց ընդառաջ… Մանուկ ժամանակ բոլորս էլ հավատում ենք հրաշքներին, իսկ երբ մեծանում ենք սկսում ենք կասկածով վերաբերվել նրանց, ու երբ գեթ մի վայրկայան կասկածի տակ ենք դնում մեր երազանքի իրականացումը, այլև երբեք չենք կարողանում իրականացնել այն, և հիասթափվում ենք, կորցնում հավատը ու սկսում էլ չհավատալ երազնաներին, հրաշքներին ու դրանց գոյությանը…
    Երբ կարդացի, իմ մոտ էլ արթնացան մանկության վառ ու անջնջելի հուշեր: Շնորհակալ եմ:

  7. Լիանա on said:

    <>
    Պաուլո Կոելյո “Ալքիմիկը”
    Իսկ ես դեռ հավատում եմ ,որ կկատարեմ իմ կյանքի առաքելությունը,Ձեզ ևս հաջողություն եմ մաղթում )))

Թողնել մեկնաբանություն

Ձեր Էլ-փոստը չի հրապարակվի Պարտադիր դաշտերը նշված են *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Մենք հավաքագրում և Ձեզ ենք ներկայացնում հետաքրքիր, օգտակար,

ուսուցողական և կրեատիվ նյութեր: Մենք աշխատում՝ սիրտ ու հոգի ենք

դնում ամեն մի նյութի մեջ, որպեսզի Ձեզ համար հետաքրքիր լինի:

Շնորհակալություն, որ մեզ հետ եք:

Եթե Ձեզ դուր է գալիս կայքը և մեր աշխատանքը, ապա միացեք մեզ Facebook-ում: Մեր նոր նյութերի մասին տեղեկացեք նաև այնտեղ.

×