Բաժին՝ ՀԵՏԱՔՐՔՐԱՇԱՐԺ ՔԻՄԻԱ

Ի վերջո ի՞նչ է իրենից ներկայացնում այդ գեղեցիկ զգացմունքը, որը անվանում են ռոմանտիկ սեր:

Փսիխոֆարմակոլոգները գտնում են, որ սիրահարների մոտ ուժերի հոսք է նկատվում “թմրանյութերի” շնորհիվ: Այդ “թմրանյութերը” դրանք բնական հորմոններն են և այլ քիմիական նյութերը, որոնք թարմացնում են, ապահովում են էներգիայի հոսքով օրգանիզմը:

Ծանոթության առաջին փուլում ուղեղը դոպամին և նորեպինեֆրին է արտադրում, որոնք նյարդային համակարգի աշխատանքը խթանող նյութեր են: Հենց նրանք են օգնում նրան, որ մենք օպտիմիզմ, թարմություն և կյանքից բավարարվածություն ենք զգում:

Երկրորդ փուլում, երբ սիրահարները արդեն անընդհատ ուզում են լինել իրար հետ, ուղեղը սկսում է մեծացնել օրգանիզմում սինթեզված այն հորմոնների քանակը, որոնք առաջ են բերում մարդու մոտ հարմարավետության և անվտանգության զգացում:

Գիտնականները կարծում են նաև որ սիրահարների մոտ միստիկ զգացողությունները ապահովում է սերոտոնինը:

Մի խոսքով ուր էլ գնանք և ինչ էլ որ անենք քիմիան մեզանից անպակաս է: Աշխարհը, նույնիսկ զգացմունքներն ու զգացողություններն են քիմիայի արդյունք:

Քիմիա բառը լայն տարածում է ստացել  18-րդ դարում։ Շատ լեզուներում այն ունի միևնույն ձայնարկությունը՝ հնչեղությունը։ Օրինակ անգլերեն – chemistry, ֆրանսերեն – chimie, գերմաներեն – chemie, ռուսերեն –химия։  “Քիմ” և “քեմ” արմատները կան նաև այլ լեզուներում քիմիա գիտության  անվանման մեջ։ Բայց մինչ օրս պարզ չէ թե երբ է առաջացել “քիմիա” բառը և ինչ նշանակություն է այն ունեցել։  “Քիմիա” տերմինը անտիկ հունական գրականության մեջ առաջին անգամ օգտագործել է հույն փիլիսոփա  Զոսիմը 5-րդ դարում և այն ունեցել է նստեցում, լցնում և խառնում նշանակությունը։ Շատ հետազոտողներ ենթադրում են, որ “Քիմիա” տերմինը առաջացել է մ.թ.ա, 5-րդ դարում հունական տիրապետության տակ գտնվող հին Եգիպտոսի անվանումից  Chemi կամ Chumi – , “սևահող” կամ “սևահող երկիր”, այսինքն եգիպտական գիտություն։ Հին հունական լեզվում կան մի շարք բառեր, որոնցից  ևս  կարող էր առաջանալ “Քիմիա” տերմինը։ Կարդալ շարունակությունը »

Ժամանակակից մարդատար ինքնաթիռները 9 ժամ թռիչքի ժամանակ ծախսում են 50-75 տոննա թթվածին: Նույն ժամանակում մոտավորապես այդքան թթվածին է ֆոտոսինթեզի հետևանքով արտադրում  25000-50000 հա (հեկտար) անտառը:

Ծովային ջրի ամեն մի լիտրում կա մոտավորապես 25գ աղ:

Եթե 100 միլիոն ջրածնի ատոմ տեղադրենհք կողք կողքի, ապա այդ շղթան կկազմի ընդամենը 1 սմ:

Համաշխարհային օվկիանոսի 1 տոննա ջուրը պարունակում է մոտավորապես 7մգ (միլիգրամ) ոսկի: Իսկ այդ մետաղի ընդհանուր ծավալը համաշխարհային օվկիանոսի ջրերում կազմում է 10 միլիարդ տոննա: Կարդալ շարունակությունը »

Իսկ դուք գիտե՞ք, որ բոլորիս կողմից այդքան սիրված նաև Լաս Վեգասին փայլ և տեսք հաղորդող “Նեոնային լույսերը”, այդքան էլ այն չեն, ինչ մենք նրանց անվանում ենք: Իրականում նեոնը իներտ գազ է, օգտագործվում է միայն կարմիր լուսավորություն ստանալու համար: Իսկ ուրիշ գույների լուսավորություն ստանալու համար օգտագործում են տարբեր նյութեր: Օրինակ, դեղին լույսերի համար օգտագործվում է նատրիումը, կապույտի համար՝ սնդիկը և այլն: