Շարունակել կարդալ »]]> Հիպնոսը դա գիտակցության վիճակի փոփոխությունն է, որի մասին այդքան շատ է հիշատակվում ֆիլմերում, գրքերում և հեռուստահաղորդաշարերում: Սակայն ոչ բոլոր մարդիկ են մինչև վերջ հասկանում ինչ է հիպնոսը: Առաջարկում եմ որոշ հետաքրքիր փաստեր այս հանելուկային երևույթի՝ հիպնոսի մասին:

Հիպնոսը մեծացնում է ներշնչանքը

Հիպնոսը տարճրինակ մի արվեստ է, որը թույլ է տալիս մարդուն ընկղմվել ներշնչման վիճակ: Մարդը գտնվելով հիպնոսացված վիճակում լսում և կատարում է հիպնոսացնողի ցուցումները: Պարզվում է կան մարդիկ, որոնք առավել շատ են ենթարկվում ներշնչանքի, քան մնացածը:

Գիտնականները հետազոտությունների շարք են իրականացրել և ապացուցել, որ մարդիկ, որոնք առավել շատ են ենթարկվում ներշնչանքի, ավելի շատ բան կարող են քաղել հիպնոսից, քան չներշնչվողները: Այսինքն ցածր ներշնչանքի մակարդակ ունեցող մարդկանց համար հիպնոսը անիմաստ բան է:

Հիպնոս շոու

Հանրաճանաչ լրատվամիջոցները հիմնականում տալիս են ոչ ճիշտ պատկերացումներ հիպնոսի մասին: Օրինակ, երբ խոսում են հիպնոսի կիրառմամբ ներկայացումների մասին, մի անգամից սկսում ենք պատկերացնել տեսարան, որտեղ հիպնոսացնողը  հանդիսատեսի առջև ստիպում է հիպնոսացված մարդկանց կատարել այս կամ այն տարօրինակ գործողությունները:

Այդպիսի հիպնոսը անվանում են բեմական և օգտագործում են միմիայն զվարճանքի նպատակով: բեմական հիպնոսը դա էժանագին տրյուկերի համախումբ է, որը ներգրավում է նախապես արդեն ստուգված հեշտ ներշնչվող մարդկանց: Այս հիպնոսը նախատեսված է հանդիսատեսին գրավելու, զարմացնելու: Սակայն այս նպատակները ամենևին նույնը չեն ինչ իրական հիպնոսի նպատակները:

Հիպնոս (վիդեո)

(Շարունակելի)

Աղբուրը՝ listverse.com

Շարունակել կարդալ »]]> Վաղուց, շատ վաղուց մտորում էին Աստվածները այն մասին, որ լավ չի լինի, եթե մարդկությունը հայտնաբերի տիեզերական իմաստությունը ավելի շուտ, քան մինչ դրան հասունանալը: Եվ որոշեցին Աստվածները թաքցնել իմաստությունը այնպիսի մի տեղ, որտեղ մարդը չի կարող գտնել, եթե չի հասունացել:

Աստվածներից մեկը առաջարկեց թաքցնել իմաստությունը ամենաբարձր լեռան վրա: Բայց նրանք արագ հասկացան, որ շուտով մարդիկ բոլոր բարձրությունները կհաղթահարեն և որ դա ապահով վայր չէ: Աստվածներից մեկ ուրիշը առաջարկեց թաքցնել օվկիանոսի խորքերում, բայց այստեղ էլ շուտով մարդիկ կարող են այն հայտնաբերել:

Այդ ժամանակ ամենաիմաստուն Աստվածն ասաց. «Ես գիտեմ ինչ պետք է անել: Պետք է տիեզերական իմաստությունը թաքցնել հենց մարդկանց մեջ: Մարդը կսկսի փնտրել այն իր մեջ, երբ արդեն դրա համար հասունացած կլինի:»

Աստվածները հիացած էին իմաստուն Աստծո առաջարկով և թաքցրեցին տիեզերական իմաստությունը հենց մարդկանց մեջ:

Շարունակել կարդալ »]]> Եթե նույնիսկ Դուք չեք սիրել և սիրում մաթեմատիկան, դժվար թե կարողանաք չհամաձայնվել այն մտքի հետ, որ այն մեր կյանքում մեծ դեր ունի:

Չնայած ամենուրեք մենք շրջապատված ենք թվերով, բայց որոշ թվերին յուրահատուկ նշանակություն ենք տալիս:

Ահա մի քանի հետաքրքիր փաստեր պի թվի, ոսկե հատվածքի (կտրվածք), հաջողակ և անհաջողակ, նաև մեծ թվերի մասին:

1. Պի (π) թիվ

Պի (π) թիվը ամենահայտնի և ամենախորհրդավոր մաթեմատիկական հաստատունն է, որը արտահայտում է շրջանագծի հարաբերությունը շրջանի տրամագծին:

Այն օգտագործում են համաշխարհային վիճակագրության, եղանակի կանխագուշակման և այնպիսի տեղեր, որտեղ պահանջվում է մեծ հաշվարկային հզորություն:

Այն երբեք չի կրկնվում և երբեք չի վերջանում, եթե այն գրված է տասնորդական տեսքով:

Հետաքրքիր է, որ հանրահայտ Քեոփսի բուրգը պի թվի «մարմնացումն է», քանի որ նրա բարձրության հարաբերակցությունը հիմքի պարագծին տալիս է պի թիվը:

Պի թվի ստորակետից հետո առաջին 100 թվերը ունեն հետևյալ տեսքը.

2. 666 թիվը

666 թիվը Աստվածաշնչից առավել հայտնի է, որպես գազանի կամ սատանայի թիվ: Աստվածաշնչում հիշատակվում է. «Այստեղ է իմաստությունը. ով իմաստություն ունի կարող է հաշվել գազանի թիվը, քանզի թիվն այդ մարդկային է: Այդ թիվն է՝ վեց հարյուր վաթսուն վեց»:

Շատերը այս թիվը համարում են անհաջողակ, դժբախտություն բերող, սատանայական և խուսափում են նրանից: 666-ի հանդեպ վախը կոչվում է հեքսակոսիոյհեքսեկոնտահեքսաֆոբիա: Կան նաև մարդիկ, որոնք համարում են, որ թարգմանությունը սխալ է արված և գազանի թիվը իրականում 619-ն է:

3. Գուգոլ թիվը և գուգոլպլեքս

Գուգոլ թիվը, որը իրենից ներկայացնում է 100 0-ներով թիվ, հայտնի է դարձել ի շնորհիվ Google որոնողական համակարգի, որը մի փոքր այլակերպել է այն՝ Googol-ից դարձնելով Google:

Որքա՞ն մեծ է այս թիվը: Եթե ամբողջ տիեզերքը լցնենք թղթե թերթիկներով և ամեն մեկի վրա 0 գրենք, կպարզվի, որ մենք գրել ենք ընդամենը այս թվի կեսը:

4. 0 թիվը

0-ն ժամանակակից մաթեմատիկայի հիմքն է դարձել: Չնայած մենք հաշվարկը սկսում ենք 1-ից, մաթեմատիկներն ու ծրագրավորողները սկսում են 0-ից:

Այն հայտնի է, որպես չեզոք էլեմենտ: Եթե դուք ինչ որ թիվ ավելացնեք, կամ հանեք 0-ից, ապա թիվը չի փոխվի: Եթե յուրաքանչյուր թիվ բազմապատկենք 0-ով, դուք կստանաք 0: Յուրաքանչյուր թիվ բարձրացրած 0 աստիճան հավասար է 1-ի: Բայց դուք չեք կարող թիվը բաժանել 0-ի:

Հաշվարկային համակարգում գոյություն չունի 0-ական տարի: Այն սկսում է՝ 3 տարի մ.թ.ա., 2 տարի մ.թ.ա, 1 տարի մ.թ.ա., այնուհետ սկսվում է 1 տարի մ.թ., 2 տարի մ.թ. և այլն:

5. 7 թիվը

7 թիվը համարվում է ամենահաջողակը: Գոյություն ունի շաբաթվա մեջ 7 օր, 7 մահացու մեղք և 7 բարերար, 7 մայրցամաք, ծիածանի 7 գույն, 7 երաժշտական նոտա, արարման 7 օր և այլն:

Եվրոպայում կա այսպիսի մի համոզմունք, ըստ որի 7-րդ որդու 7-րդ որդին ունի կախարդական ուժ: Նաև 7 թիվը համարվում է աշխարհում ամենաշատ մարդկանց սիրելի թիվը:

6. Ոսկե հատվածք

Ոսկե հատվածք կամ ոսկե միջինը դա մեծություն է, որը հավասար է 1,6180339887 և արտահայտում է ունիվերսալ կատարյալ համամասնությունները գիտության մեջ և արվեստում:

Շատ նկարիչներ և քանդակագործներ օգտագործել են ոսկե հատվածքը իրենց աշխատանքներում, քանի որ հենց այդպիսի համամասնություններն են համարվում էսթեթիկապես հաճելի:

7. 5 թիվը

Համաձայն Պիֆագորի, 5 թիվը դա մարդու միկրոկոսմոսի կատարյալ թիվն է: Արիստոտելը 5-րդ տարրն է ավելացրել 4 տարերքներին (կրակ, ջուր, օդ, հող) և անվանել եթեր, որը հիմք հանդիսացավ ալքիմիկների հոգևոր փորձերի: Նաև 5 թիվը ունի հոգևոր նշանակություն և տարբեր մշակույթներում այն յուրահատուկ սիմվոլ է:

8. 8 թիվը

8 թիվը համարվում է կատարելության թիվ: Այն ասոցացվում է անսահմանության հետ, իսկ հին եգիպտացիների մոտ այն համարվում էր հավասարակշռության և տիեզերական խաղաղության թիվ:

Ճապոնական և չինական մշակույթներում այն համարվում է երջանիկ թիվ: Պիֆագորացիները հավատում էին, որ 8 թիվը դա սիրո և ընկերության սիմվոլն է:

9. 13 թիվը

13 թիվը դարձել է դժբախտ կանխագուշակումների սիմվոլ ինչպես ուրբաթ 13-ը: Նույնիսկ մեր օրերում դուք կարող եք նկատել, որ շատ շինություններում բացակայում է 13-րդ հարկը:

Քրիստոնիաների մոտ 13 թիվը ունի կրոնական սկիզբ, քանի որ խորհրդավոր ընթրիքի ժամանակ 13-րդ առաքյալը դավաճանեց Քրիստոսին:

10.  Ֆիբոնաչիի թվերը

Այս թվերը անվանվել են ի պատիվ իտալացի մաթեմատիկոս Լեոնարդո Պիզանացու, առավել հայտնի որպես Ֆիբոնաչի, ով Եվրոպային ծանոթացրեց տասնորդական և արաբական թվերի հետ:

Ֆիբոնաչիի թվերը իրենցից ներկայացնում են հաջորդականություն այսպիսի հերթականությամբ.

0, 1, 1, 2, 3, 5, 8, 13, 21, 34, 55, 89, 144, 233, …

Ընդ որում ամեն հաջորդ թիվը հավասար է նախորդ երկու թվերի գումարին: Ֆիբոնաչիի հաջորդականությունը բնության մեջ նկատվում է կենդանիների և բույսերի մոտ: Արևածաղկի, արքայախնձորի, սոճու կոների (շիշկա) սերմերի նախշերում և նույնիսկ մարդու մարմնում (մեկ քիթ, երկու աչք, երեք վերջույթային սեգմենտ, հինգ մատ) նկատվում է այս հաջորդականությունը:

Աղբյուրը՝ list25.com

Շարունակել կարդալ »]]> Շատ կատակասերն է այս Google-ը: Ուզում եմ Ձեզ ներկայացնել Google-ի հերթական «Զատիկի ձուն»: Եթե նկարների փնտրման տողում գրեք «Atari Breakout» բառակապակցությունը, ապա գտնված նկարները կշարվեն գույնզգույն շարքերով, իսկ նրանց տակ կհայտնվի մկնիկի օգնությամբ շարժվող տախտակ և գնդակ:

Այս ակցիան նվիրված է «Atari Breakout» հանրահայտ խաղի 37-րդ ամյակին: Այս խաղը ստեղծվել է 1976թ.: Եթե գնդակով քանդեք բոլոր բլոկերը, ապա կհայտնվի նոր մակարդակ:

Սա Google-ի միակ «զատիկի ձուն» չէ: Եթե օրինակ փնտրման տողում գրեք «zerg rush» արտահայտությունը ապա վերևից կթափվեն բազմաթիվ «օ» տառեր իրենց ճանապարհին քանդելով բոլոր փնտրման արդյունքներն ու հղումները:

Շարունակել կարդալ »]]> Մի քանի օր առաջ՝ մայիսի 12-13-ը տեղի ունեցավ այս տարվա ամենահզոր արեգակնային բռնկումը: Այն տևեց ուղիղ 24 ժամ: Փորձագետները նշում են, որ այդ իրադարձությունը առաջ բերեց այլ արեգակնային մրրիկներ, որոնք տեղի ունեցան հաջորդ օրերին:

Վերջին օրերի արեգակնային բռնկումները դասակարգվում են X դասին և համարվում  են հնարավորից ամենահզորներից մեկը:

Մայիսի 12-ի արեգակնային բռնկումը հսկայական քանակով պլազմայի տաք ալիքներ է դուրս մղել, այսինքն տեղի է ունեցել կորալային նյութի ժայթքում, որը տիեզերքով տարածվում է 6.9 միլիոն կմ ժամ արագությամբ: Դեպի Երկիր այդ նյութը չի հասել, այդ իսկ պատճառով արբանյակներին, տիեզերագնացներին, որոնք գտնվում են օրբիտայում՝ վտանգ չի սպառնում:

Շարունակել կարդալ »]]> Ինքնագնահատականը մեծ նշանակություն ունի մարդու կյանքում: Այն կարող է որոշիչ լինել կյանքի հանդեպ հայացքների ձևավորման համար, մարդկային փոխհարաբերություններում, կարևորագույն որոշումներ կայացնելուց և այլն:

Ինքնագնահատականը այն է՝ թե ինչպես է մարդ գնահատում իր անձնական որակները և հնարավորությունները:

Այս թեսթը կօգնի Ձեզ հասկանալ ինչպիսին է Ձեր ինքնագնահատականը՝ համարժե՞ք, ուռճացվա՞ծ, թե՞ ցածր:

Շարունակել կարդալ »]]>

Երգի բառերը.

Խոսքերի հեղինակ Ռազմիկ Դավոյան

Բաց քո կեղևը, ծառ…

Անցան օրեր հատ-հատ,
Անցան օրեր զույգ-զույգ,
Ճաշակեցինք և սեր,
Եվ տառապանք և սուգ:

Ինձ հոգնեցրին արդեն
Օրերը լայն ու նեղ,
Ինձ հոգնեցրին արդեն
Մեղավոր ու անմեղ,
Ինձ հոգնեցրին արդեն
Տխրությունն այս ցանցառ
Եվ կարոտներն այս խեղճ,
Ինձ հոգնեցրին արդեն
Բաց քո կեղևը, ծա՛ռ,
Ինձ ա՛ռ կեղևիդ մեջ: 

Ա՛ռ ինձ կեղևիդ մեջ–
Ես կփակվեմ քո մեջ
Ինձ առ կեղևիդ մեջ
Այս անծաղիկ դարում,
Ես կփակվեմ քո մեջ՝
Որպես փոքրիկ գարուն
Որպես թաքուն թախիծ,
Տերևներիդ խորքում
Ես կփայլեմ տխուր
Ու կմտնեմ խոր քուն:

Ու թե հողմերը գան
Որ ինձ խլեն քեզնից,
Ես կարթնանամ, իմ ծառ,
Կորոտանք մեկից:

Ես կճկվեմ քեզ հետ
Ես կձգվեմ քեզ հետ,
Ու հողմերի ձեռքից
Ես կփրկվեմ քեզ հետ:
Ես կփրկվեմ քեզ հետ:
Ես կփրկվեմ քեզ հետ:

Ու մի թաքուն գիշեր,
Երբ բոլորը քնեն,
Ես քեզ կախարդական
Բառեր կկրկնեմ,
Կերթանք կամաց-կամաց,
Կելնենք թաքուն-թաքուն,
Ու քնի մեջ նրան
Կդարձնենք անքուն:

Նրա երազի մեջ
Կախարդական մի ծառ
Մարդկային ձև կառնի
Կշնկշնկա կամաց
Ու մարդկային լեզվով
Որպես լեգենդ պայծառ,
Կբարբառի նրան
Անհայն, կորած մի սեր
Ու մի անհուն կարոտ…
Ու մի անհուն կարոտ…