Ուրբաթ, 31 Հոկտեմբեր 2014

ԱՐԽԱՆԳԵԼՈ

ՊՈԵԶԻԱ

Համո Սահյան – Ինչ արած,մարդ եմ

Լավագույն նյութերը Facebook-ում ստանալու համար սեղմիր Like


Ինձ ճանաչելը մի քիչ դժվար է,
Հասկացեք, էլի, ես մի քիչ բարդ եմ,
Քարի պես պինդ եմ, հողի պես փխրուն,
Ինչպես չլինի դեռ մի քիչ մարդ եմ։

Ես իմ իշխանն եմ, իմ գլխի տերը,
Եվ ինձ թվում է՝ մեծ ու անպարտ եմ,
Բայց ինչ-որ չափով և ինչ-որ մի տեղ
Դեռ թիապարտ եմ։

Մերթ ոտից գլուխ զարդեր եմ հագնում,
Մերթ այնպես անշուք, պարզ ու անզարդ եմ,
Մերթ քար ու քարափ, մերթ վայրի խոպան,
Մերթ կանաչ անտառ ու ցանած արտ եմ։

Հավիտենության լծորդն եմ անդուլ,
Բայց և կարճատև մի ակնթարթ եմ,
Փոթորիկներ են եռում հատակիս,
Թեև երեսից այսպես հանդարտ եմ։

Կյանքս ավարտելու վրա եմ արդեն,
Բայց ինքս, ավա՜ղ, դեռ անավարտ եմ…
Ինձ ճանաչելը մի քիչ դժվար է,
Հասկացեք, էլի, ի՞նչ արած, մարդ եմ։

 


Լավագույն նյութերը Facebook-ում ստանալու համար սեղմիր Like


Ձեզ կհետաքրքրի նաև՝

Պարույր Սևակ - Ուշացած իմ սեր (հատված)
Բաց թող նրան. նա ծնվել է ազատության համար
Եղիշե Չարենց - ՄԱՀՎԱՆ ՏԵՍԻԼ
Ինչո՞ւ եմ տանջում ինքս ինձ կրկին
Գրում են ընթերցողները. Մարի Վարդանյան - Պատրանք
Պարույր Սևակ - Անծանոթուհուն

Թողնել մեկնաբանություն

Ձեր Էլ-փոստը չի հրապարակվի Պարտադիր դաշտերը նշված են *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Մենք հավաքագրում և Ձեզ ենք ներկայացնում հետաքրքիր, օգտակար, ուսուցողական և կրեատիվ նյութեր:

Միացեք մեզ Facebook-ում և մեր նոր նյութերի մասին տեղեկացեք հենց այնտեղ.

×