Հուլ 14 2012
Արմնյուզի ինտերակտիվ հաղորդաշարը անդրադարձ է կատարել իմ հոդվածներից ըստ իս ամենակարևորին՝ «Մեծ, բայց և անհայտ անուն» հոդվածին, որտեղ պատմում եմ Արցախյան հերոսամարտում հորս ունեցած ավանդի մասին:
Իմ խորին շնորհակալություն եմ հայտնում Արմնյուզի Ինտերակտիվ հաղորդաշարի անձնակազմին և մասնավորաբար լրագրողուհի Հայկուհի Ասատրյանին անդրադարձի համար:
Հաղորդման մեջ հոդվածի մասին կարող եք լսել և տեսնել սկսած 07:51 րոպեյից.
Permanent link to this article: http://arxangelo.info/my-post-in-interactive/
Հուն 15 2012
Հայաստանը հունիսի 15-ին նշում է Պետական խորհրդանիշերի տոնը:
«ՀՀ դրոշի մասին» եւ «ՀՀ զինանշանի մասին» օրենքներն ընդունվել են 2006թ. հունիսի 15-ին, իսկ ՀՀ Պետական դրոշի օրը Հայաստանում առաջին անգամ նշվել է 2010 թվականի հունիսի 15-ին:
Դե ուրեմն շնորհավո՛ր հայեր մեր դրոշի և մեր զինանշանի օրը և ցանկանում եմ, որպեսզի հարգենք ու պատվենք մեր դրոշն ու զինանշանը:
Permanent link to this article: http://arxangelo.info/state-symbol-day/
Հուն 03 2012
Վերջերս Vitamin Club հաղորդումը դիտելիս իմ «բերանը բացվել և չէր փակվում», բայց ոչ թե ծիծաղից, որը սովորաբար այս հաղորդման ընթացքում սովորական է, այլ ապշահար զարմանքից քար կտրելուց: Բանը նրանում է, որ հաղորդման ընթացքում հայտնվեց մի երեխա, որը սինթեզատորի վրա այնքան վիրտուոզ էր նվագում ու նաև շատ լավ երգում: Պարզվեց դա փոքրիկ հրաշամանուկ Րաֆֆին է ֆրանսիայից, ընդամենը 10 տարեկան:
Permanent link to this article: http://arxangelo.info/vunderkind-raffi/
Մայ 31 2012
Բլոգումս մի քանի անգամ, մասնավորաբար՝ «Պատերազմը ավարտված չէ: Այն թեժ փուլում է և ընթանում են դաժան մարտեր» և «Մեր հերթական խոշոր պարտությունը պատերազմում» գրառումներում անդրադարձել եմ և իմ կարծիքն եմ հայտնել մեր դիրքերի մասին ինֆորմացիոն պատերազմում: Եվ բնական է, որ իմ նման համեստ և սովորական բլոգերի կարծիքը շատ քչերին և հնարավոր է, որ ոչ մեկին կարող է չհետաքրքրել:
Ձեզ եմ ուզում ներկայացնել մի փոքրիկ հաղորդում, որը պատրաստել է առաջին հայկական ինտերնետ հեռուստատեսությունը՝ www.1aitv.ru-ն, որտեղ հիմնականում ռուս լրագրողներ և մեդիա մասնագետներ, որոնց կարծիքը կարծում եմ պետք է ավելի լուրջ ընդունել, խոսում են մեր խայտառակ դիրքերի և պարտությունների մասին ինֆորմացիոն պատերազմում: Ցավոք, չեմ կարող չհամաձայնվել նրանց հետ:
Permanent link to this article: http://arxangelo.info/information-war-3/
Մայ 28 2012
Այսօր Հայաստանը տոնում է Առաջին Հանրապետության օրը: 1918թ մայիսի 28-ին Հայաստանի ազգային խորհուրդը հռչակեց անկախ Հայաստանի Հանրապետության ստեղծումը:
1918թ մայիսի 21-28 Ղարաքիլիսայում, Բաշ-Ապարանում և սարդարապատի մոտ հայկական զորքերին հաջողվեց կանգնեցնել թուրքերին, իսկ Սարդարապատում և Բաշ-Ապարանում ջախջախել թուրքական կանոնավոր բանակը: Նույն օրերին՝ մայիսի 26-ին Անդրկովկասյան սեյմը հայտարարեց իր քայքայման մասին: 1918թ մայիսի 28-ին Հայաստանի ազգային խորհուրդը հռչակեց անկախ Հայաստանի Հանրապետության ստեղծումը: Հայկական ազգային խորհրդի հիմքի վրա ստեղծվեց առաջին խորհրդարանը: 1918թ օգոստոսի 1-ին Երևանի քաղաքային ակումբի դահլիճում տեղի ունեցավ խորհրդարանի պաշտոնական բացումը, իսկ շենքի գլխին տեղադրվեց հայկական եռագույնը: Խորհրդարանի գլխավոր քարտուղար ընտրվեց Ավետիք Սահակյանը (հայր Աբրահամ), իսկ առաջին կառավարության ղեկավար նշանակվեց Հովհաննես Քաջազնունին:
Permanent link to this article: http://arxangelo.info/28may/
Մայ 27 2012
Հայ ազգը այն աստիճան հին է, որ սկսել է փչանալ, նեխել:
Եվ պետք չէ միանգամից այս առաջին նախադասությունը կարդալուց ինձ մեղադրել անհայրենասիրության մեջ: Ընդհակառակը ես երևի չափից դուրս հայրենասեր եմ , որ ազգիս ամեն մի մեղմ ասած «բաց թողում» սրտիս շատ մոտ եմ ընդունում:
Ինչու՞ եմ այս եզրահանգմանն եկել. այլապես ինչպե՞ս բացատրել, եթե օրեր առաջ պանթեոնը էլի սրբապղծել են: Եվ այդ ոչ թե թուրքն է արել, այլ հայը: Մի քանի կոպեկի համար իր սրբատեղին է սրբապղծում, մի քանի գրամ պղնձի համար իր ազգի մեծերին է ուրանում: Միջազգային ատյաններում ազերիներին ենք մեղադրում մեր Ջուղայի խաչքարերի և այլ մշակույթային արժեքների վերացման կամ յուրացման համար, այն ինչ մենք ինքներս թքած ունենք այդ արժեքների վրա և պատրաստ ենք մի քանի կոպեկի համար այն ոչնչացնել:
Կամ ինչպե՞ս բացատրել, եթե ոչ նեխելով, երբ հայ ազգի մեջ սեփական կրոնադավներ են ի հայտ գալիս. է՛լ սատանիստներ, է՛լ աղանդավորներ: Իսկ հայ ազգի կրոնը՝ քրիստոնեությունը, այն հավատն է, որը օգնել է մեզ գոյատևել հազարամյակներ:
Այլապես ինչպե՞ս բացատրել, եթե ոչ նեխելով, երբ սկսել ենք ուրանալ մեր իսկ մշակույթը, մեր իսկ նիստ ու կացը: Մեր մաքրամաքուր երաժշտությունը, որը Կոմիտասը մաքրազերծեց այլևայլություններից, նորից սկսել ենք այլանդակել, կեղտոտել թուրքական մզզոցներով ու ոռնոցներով: Մեր բարքերը, մեր նիստ ու կացը, մեր ընտանիքի ձևավորված և հզոր ինստիտուտը փոխարինում ենք եվրոպական կասկածելի և աղետաբեր երևույթներով: Սկսել ենք այլասեռվածությունն ու այլասերվածությունը մարդկային արժանապատվություն և մարդկային իրավունք կոչել և ընկալել…
Այլապես ինչպե՞ս բացատրենք, եթե ոչ նեխելով, երբ Հայաստանը հայաթափելու ամենամեծ և ամենաարդյունավետ քաղաքականությունը հենց մեր իշխանություններն են կատարում, մեր իշխանությունները, այսինքն նորից մենք հայերս:
Ախր ո՞րն ասեմ, էլ որը…
Այլապես ինչպե՞ս բացատրենք, եթե ոչ այսպես. «Հայ ազգը այն աստիճան հին է, որ սկսել է փչանալ, նեխել»:
Վախենում եմ, որ մեր կործանումը մոտ է: Սարսափելի ցավալի է տեսնել ու գիտակցել այս ամենը:
Իսկ սա գրելու ընթացքում ևս մեկ ապացույց հայտնվեց, որ ազգս կործանվում է: Մանրամասնին ծանոթացեք այստեղ. http://www.radiovan.am/krytyj-rynok-razrushen-finita-lya-komediya/
Permanent link to this article: http://arxangelo.info/old-new-armenian/
Permanent link to this article: http://arxangelo.info/narek-2/
Arxangelo - գրում է՝ "ճիշտն ասած այս տեստը.."
Լավատե՞ս ես, թե՞ հոռետես (հոգեբանական թեսթ)
Mona - գրում է՝ "xiya senc berum(((((.."
Լավատե՞ս ես, թե՞ հոռետես (հոգեբանական թեսթ)
Hovo - գրում է՝ "Isk inch xorhurd kta.."
Խոցելի՞ եք սթրեսերից – հոգեբանական թեսթ
lala - գրում է՝ "Onlayn xostovanutiun.."
Վիդեոն 3 օրում դիտել են ավելի քան 2000000 մարդ
kristine - գրում է՝ "es gnaci hivandanoc).."
Հոգեբանական թեսթ – հոգնա՞ծ եք Դուք արդյոք
Arxangelo - գրում է՝ "Հարգելի Հովո Ձեզ ոչ .."
Հե՞շտ եք գայթակղվում – հոգեբանական թեսթ աղջիկների համար
Hovo - գրում է՝ "Iskapes shnorhakal e.."
Ճի՞շտ է արդյոք Ձեր ապրելակերպը – հոգեբանական թեսթ
Թեսթ: Ուղեղի ա՞ջ, թե՞ ձախ կիսագունդ
Պարույր Սևակ – Դու ես մեղավոր
Արդյո՞ք Դուք լիդեր եք, թե՞ շարքային ենթակա (հոգեբանական թեսթ)
Շրջապատի կարծիքը Ձեր մասին (հոգեբանական թեսթ)
Ավետիք Իսահակյան – ԼԻԼԻԹ (ՀՐԵԱԿԱՆ ԱՌԱՍՊԵԼ)
Երբ մայրամուտին արևն ընկղմվում է ծովի մեջ – վիպակ
Որքանո՞վ եք ճանաչում հակառակ սեռին – հոգեբանական թեսթ
Հայկական քիմիական բլոգում
©2008-2013
Arxangelo
© Այլ տեղ՝ այլ կայքերում արտատպումներ կամ հեռուստառադիո ընթերցումներում մեջբերումներ անելիս հեղինակի համաձայնությունը պարտադիր է: Բոլոր հեղինակային իրավունքները պաշտպանված են ՀՀ օրենսդրությամբ:
