Բաժին՝ ԻՄ ՍՏԵՂԾԱԾԸ

«Գժվել»

Ուզում եմ կրկին մի փոքր գժվել,
Ուզում եմ գժվել ու կյանքով լցվել։
Սակայն ծեր եմ ես
ու գժությունս վաղուց եմ կորցրել…

«Աշխարհիկ»

Կասե՞ս Աստված, ինչպե՞ս անել,
Քո ստեղծածը մի քիչ ուղղել՝
Աշխարհը ծուռ, մարդիկ էլ ծուռ…
Ծուռին ինչպե՞ս, ինչպե՞ս փոխել:

© Արամ Հակոբյան

Ու ամեն անգամ, կրկին ու կրկին
Թերթում եմ ես քո ալբոմն իմ անգին
Գիժ սիրտս նորից վեր-վեր է թռչում,
Ինչպես այն օրը՝ այն օրն առաջին:

Ինչո՞ւ եմ տանջում ինքս ինձ կրկին,
Ինչո՞ւ եմ նորից այրում իմ հոգին,
Ինչո՞ւ չի ստացվում մոռանալ հավերժ՝
Չի ստացվում գտնել պատասխան հարցին:

Ու կրկին անգամ սիրտս է խոցվում,
Բացվում են կրկին վերքերն սպիացած
Ու միտքս կրկին քեզնով է լցվում՝
Նոր շունչ է առնում սերն իմ «հնացած»: Կարդալ շարունակությունը »