Բաժին՝ ԽԱՌԸ ՄՏՔԵՐ

***

Սերը դա երևակայության հաղթանակն է ինտելեկտի նկատմամբ:
Հենրի Լուիս Մենկեն

***

Սերը դա ամեն ինչ է: Եվ դա այն ամենն է ինչ մենք նրա մասին գիտենք:
Էմիլի Դիկինսոն

***

Հնարավոր է սերը իրոք հիվանդություն է, սակայն ավաղ ոչ վարակիչ:
Ժարկո Պետան Կարդալ շարունակությունը »

Ուղեղս ծանրաբեռնում եմ ամեն ինչով, ամեն ինչ անում եմ՝ միայն թե Քեզ մոռանամ, սակայն ամեն ինչ ապարդյուն է: Երևի անսանձ սիրտս ավելի ուժեղ է, քան ուղեղս:

Չի օգնում ոչինչ: Այս ամենը արդեն նմանվում է անբուժելի ու քրոնիկ հիվանդության:

Ժամանակն անցնում է անհասանելի արագությամբ, սակայն սրտումս ամեն ինչ նույնն է….

Ու ինչպես հայտնի երգում է ասվում.

Դու հեռացար, քեզ մոռանալ չի լինի,
Թող սիրտը քո երբեք վշտով չլինի:
Եթե կյանքում գեթ մեկ անգամ վշտանաս,
Հովի նման վիշտդ թեթև թող լինի,
Եթե կյանքում գեթ մեկ անգամ վշտանաս,
Հովի նման վիշտդ թեթև թող լինի:

Իսկ թե հանկարծ սեվ աչերդ արտասվեն,
Թող արցունքդ սրտիս վրա վերք լինի,
Թող հողմերը հոգիս տանեն, ծվատեն,
Միայն սիրտդ, սիրտդ վերքոտ չլինի,
Թող հողմերը հոգիս տանեն, ծվատեն,
Միայն սիրտդ, սիրտդ վերքոտ չլինի:

Այսքան երկար ու ձգձգվող այս ճանապարհը….

Արդեն շատ երկար ժամանակ է ինչ բռնել եմ այս ճանապարհը ու քայլում եմ՝ քայլում անդադար: Հազարավոր կիլոմետրեր եմ կտրել անցել, բայց դեռ նպատակակետին չեմ էլ հասել և նույնիսկ չգիտեմ էլ ինչ է ինձ սպասում այս ճանապարհի վերջում:

Ինչեր ասես և ում ասես, որ չտեսա ես այս ճանապարհին: Հանդիպեցի մարդկանց, որոնք խմբերով քարկոծում էին ինձ, որպեսզի շեղվեմ ճանապարհից, որոշները ուղղակիորեն փորձում էին բռնությամբ հեռացնել ինձ ճանապարհից: Հանդիպեցի նաև այնպիսի մարդկանց, որոնք փորձում էին ավելի հեշտ ուղի ցույց տալ, որը շրջանցում էր ճանապարհին երբեմն հանդիպող փոսերն ու ջրափոսերը: Սակայն ես ոչ մեկին չէի լսում՝ շարժվում էի բռնածս ճանապարհով, անցնելով ցեխերի, ջրափոսերի միջով:

Արդեն 34 տարի է ես քայլում եմ այս ճանապարհով: Հոգնել եմ, բայց չեմ հանձնվում ու անդադար առաջ եմ շարժվում: Բազմաթիվ սխալներ ու բացթողումներ եմ թույլ տվել այս ճանապարհին, բայց էլի առաջ եմ շարժվում: Դեռ որքա՞ն պետք է քայլեմ՝ ես չգիտեմ: Բայց հույս ունեմ, որ մի օր ճանապարհիս կհանդիպեմ այն մեկին, որը նույնպես քայլում է այս ճանապարհով և որը նույնպես գնում է այնտեղ՝ որտեղ և ես: Եվ ճանապարհն այդ մենք կանցնենք միասին, և ճանապարհն այդ էլ չի լինի այդքան ձանձրալի ու միապաղաղ:

34 տարվա ճանապարհ, իսկ հետո՞…